Lavt stoffskifte og amming

[Delisa]

Eg hugsar eg så gjerne ville fullamme, var jo det "riktige". Dette ønsket vart grundig nøra oppunder hos Helsestasjonen, familie og venner. Hadde eg visst det eg veit nå, hadde eg droppa alt stresset med pumping, handmjølking, nasespray, vørteløl!, !legge hyppig til", pumping på natta når baby endeleg sovna.
Barnet mitt hylte mykje fyrste tida, 2-3 månader. Kanskje var det kollik, eller mangel på næring (?). Trur det kom alt for lite mjølk hos meg, og mistenkjer i dag hypotyreosen. Tragisk nok hylte barnet enda meir når ho såg puppen, og heldt det gåande frå 21/22 på kvelden og 4-5 timar utover natta.
Gjekk over på fullflasking etter fyllte 4 månader. Da var det full alarm pga fall på dei berømte kurvane.
Var nervøs for å ty til erstatning pga. båe vi forledra har fullt av allergiar, eg går til og med rundt med adrenalinsprøyte. Såg for meg eit sjukt pjuskete barn for all framtid.
Fekk høyre at ho kom til å rase opp i vekt på "butikkmjølka" og tidleg start med fast føde.
Vel, nå har eg ei 21 mnd gamal lita frøken på 9,5 kilo. Lett og fin i kroppen, normal lengde. Svært lite sjuk, etter fyrste barnehagevinteren har vi foreldra knapt rørt sjukt-barn-kvota på arbeidsplassane våre.

Veit at ein ikkje skal generalisere frå enkelttilfelle. Men eg lurer jo litt på om det er overtru dette med sjukdom, du veit ammepoliti, judasmjølk osv.

Eit evt. barn nummer to får gjerne flaske av meg. Praktisk og lite pes. Eg fekk eit tusen gonger betre mammaliv etter at eg la amminga på hylla.

Lykke til.