Sambuaren min. Blodprøver for å sjekke tyroideafunksjon ??

[Delisa]

Hei og velkomen til Sonjas
Fint med fleire menn her
Eg kan fortelja kort om sambuaren min, sidan du spør. Han byrja altså med ein svært låg dose Levaxin i januar, type 25 mcg. Trur han går på det same nå som når eg skreiv oppdateringa i tråden her (så kanskje er det 75 mcg + per veke). Han har kort nemnt blodverdiane sine for meg, eg har jo nok med mine eigne greier, så eg hugsar ikkje.
Veit at legen hans ser på tsh og ft4. Han sa ein gong at legen hadde sagt ft4 skulle opp mot 18-19 og tsh skulle vera ca 1, trur tsh da var litt over 1.
Det tok ein del veker før min kjære følte seg stabilt betre. Men nå er denne betringa stabil og også synleg for meg slik i det ytre; han ser meir vaken og opplagt ut. Men aller fyrst kjente han seg litt betre etter ein kort periode på Levaxin, så var han tilbake til start, men med litt auke i dose og medan vekene gjekk, har han definitivt vorte betre.
Han meiner framleis at han har mindre energi enn før. Dette stemmer nok, men kan vel så mykje ha med at han er ein travel mann, som berre roar ned om han verkeleg må. Han har "piska seg" sjølv for lenge, med jobb, ansvar og tung trening i mange år. Dessutan er det kanskje vanleg å bli litt slakkare med åra?
Det han kan nemne nå er at han ikkje tolar så godt stress. Og framleis føler han seg tung og treig på morgonen, seier han. Om det blir for mykje ein dag, blir han fysisk dårleg. Utmatta etter middagen, må ligge ned, orkar ikkje det han vanlegvis orkar.
For meg som opplevde han før han gjekk til lege, får eg likevel inntrykk av at han fungerer mykje betre. Men han veit jo sjølv best kvar det enda ikkje stemmer heilt.
Han vurderer å gå over til Erfa thyroid. Eg veit at han har sjekka binyrene sine i døgnurin. Dette etter forslag frå meg. Han kan spøke med at eg er hans helse-coach og hjelper han å ta tak i ting. Det er jo pga. meg at han i fyrste omgang gjekk til legen og sjekka stoffskiftet. Når hans faste lege (ein han har brukt gjennom jobben) ikkje var med på at han kunne ha mildt nedsett stoffskifte, bytta han fastlege til ein vi visste var kjent med hypotyreose. Denne legen var einig i at sambuaren min kunne ha symptomar pga tsh nærare 3 og låg ft4. Han sette i gang prøvebehandling med Levaxin som dersom det hjelpte skulle bli fast medikasjon (slik eg forstod det).
Men også denne legen avviste moglegheita av at han kunne ha slitne binyrer. Og med meg som helse-coach blir altså dette sjekka ut nå

Lykke til! Eg håper du kan få hjelp til å finne ut kvar skoen trykker.
Eg synest du har litt høg tsh og låg ft4, men eg er langt i frå nokon ekspert på dette her. Stå på, bytt lege om den du har nå ikkje tek deg på alvor. Ein verkeleg god lege bør søkje grundig etter årsaka for det nedsette stoffskifte, ikkje berre skrive ut Levaxin. (Dessverre ser det ut til at det ikkje er så mange slike legar.) På same måte meiner eg at legen kort bør undersøkje bakgrunnen for mistanken om psykiske plagar og henvise vidare slik at vedkommande pasient kan få riktig hjelp. Ellers burde jo ein lege veta at det fint går an å ha både f.eks. hypotyreose og f.eks. PTSD.

mvh Delisa